I dag vart vi velsigna med ein sykkel. Splitter ny - ser i alle fall slik ut. Per Erik i KF hadde ein ståande i garasjen, sånn tilfeldigvis... Så den kunne vi jo få! Vi er rikt velsigna og manglar ingen ting.
Første foreldremøtet på Kronstad Skole er unnagjort òg, det var ...kjekt? Nei, kan ein eigentleg seie at det er kjekt på foreldremøte? Men i den grad det går an så var i alle fall dette eit kjekt foreldremøte. Litt mindre forhold, kan du sei, foreldremøter for ein klasse på 68-69 elevar er litt anna enn i ein klasse på 21... Alle hadde gangavstand til skulen, trur det berre var eg som kom i bil, så parkering var ikkje noko problem. Berre det er jo kjekt! Så kan eg ha det så godt som melder ungane inn på ein skule som ikkje er i gangavstand! - i alle fall ikkje for mor ein regnfull kveld... Trur at det i alle fall er ein skule nærare oss enn Kronstad, sjølv om avstanden dit er kortare enn det er heimanfrå og til Kviltorp Skole heime i Molde...
Hans Arne går altså i eit kull med 21 elevar, 5 av dei er nye av året... Rektor sa at førsteklassen der Anna har begynt er eit kjempestort kull, det største på mange år: 45 elevar!! Då måtte eg berre fnise litt inni meg. 45 elevar... Dei måtte til og med dele dei i to grupper! Luksus for oss, tenkte eg. På Kviltorp er den minste klassen så vidt eg veit på 42? Eller noko der omkring. Og det er eit veldig lite kull! Jørgen sin klasse er på 29 elevar og er i ei gruppe heile tida, om eg har forstått rett.
Jørgen var forresten med på bibelskulen i dag, for frisk til å vere heime og for pjusk til å gå på skulen, i alle fall skulen sin. Han hadde det som plommen i egget der han sat på bakerste benk med DS og PC. Ingen begrensning på tida, noko han ikkje sørga over. Pussig.
No har mesterkokken i heimen trylla fram middag med biff og fløtegratinerte potetar, så no skal vi nyte (s)ein romantisk middag før natta kjem for alvor!
Ha ei velsigna natt!
Ingen kommentarer:
Legg inn en kommentar