Jepp, eg er hekta. Nytt innlegg kvar dag, kva er dette for noko? Nyt det så lenge det varer, folkens, brukar ikkje slikt å dabbe av etter eit par veker eller der omkring? Time will show!
Jørgen og pappa vart heime i dag. "I e litt sånn rar å svimmel i hodet mitt" sa Jørgen. Kanskje greit å sleppe skulen då. Forresten har vi hatt familiens første krangel fordi dei ikkje fekk lov å vaske opp. Ja, du las rett, dei ville vaske opp, men fekk ikkje lov. Det vil sei, Jørgen ville vaske opp, men eg hadde lovt at Anna skulle få gjere det. Løna er nemleg 5,- kr og Jørgen er litt desperat for det "kommer jo ikke en eneste barnevakt forbi her jo!!" - som då er den måten dei har fått pengar på før, å vere snille når dei har barnevakt. Ja, vi har forresten krangla før, om de lurte på det, men aldri fordi dei ikkje har fått vaske opp...
I dag har mellom anna vi lært at Adam er eit bilete på Jesus. Ja, har vel forsåvidt visst før at det har ein samanheng, men.. Det som var nytt for meg var at på same måte som Gud, då Adam sov tungt, tok eit ribbein ut av sida hans for å bygge Eva, hans like og hjelpar, likeins kom det vatn og blod ut av sida til Jesus då Han hadde døydd. Blod som kjøpte fri bruda Hans. Puh! Vanskeleg å skrive på ein forståeleg og (forholdsvis) kort måte! He he...
Plana for kvelden er: å kome tidleg til sengs. - igjen... Jo fleire gonger ein prøvar, jo fleire gonger blir det suksess! Ein annan sak er at tittelen på blogen her var eit resultat av desperat hjernevridning den kvelden eg oppretta han. Den tittelen står nok i fare for å få eit heller kort liv! Ikkje bli sjokkert om det plutseleg dukkar opp ein revidert tittel! :-) No er det kaffe og hermetiske pærer (- ja, ikkje heimelaga då!) før det er sengetid.
Ingen kommentarer:
Legg inn en kommentar