Ai ai ai...

He he... Det er ikkje lett når ein skal late som om ein kan ting og tang. :-P No har eg brukt litt tid på å forstå kvifor det har vore så laber interesse for å lese bloggen. Ikkje at eg skal skryte på meg at det blir noko betre no, men no har eg i alle fall gjort eit ærleg forsøk på å få det til! Tydelegvis er dette meir komplisert enn eg har begrep om. Enten det, eller så er eg berre mindre bevandra i slike ting enn det eg har lyst til å tru. Sannsynlegvis det siste.

I går hadde eg mi første "vanlege" vakt på Lunge 3 på Haukeland. Heldigvis var det roleg og eg fekk tid til å rote rundt inne i journalsystemet for å gjere meg kjent. Eg er imponert over kor brukarvenleg det er! Eg har aldri vore inne i systemet før, men greide både å skrive notat, finne blodprøvesvar og å bestille blodprøver, i tillegg til å flytte over ein pasient til ei anna avdeling. No flytta eg rett nok over feil pasient først, men... Ny vakt i kveld og nye sjanser til å gjere feil - eller: å lære noko, heiter det vel!

Hans Arne var på Race i går, ein klubb for 5.-7. klasse i Kristent Fellesskap (KF). Han kosa seg stort og då Per Edvin kom inn for å hente han sat han på eit bord saman med tre jenter. For at han skulle sleppe å vere der heilt åleine første gongen tok PE med seg Jørgen og Anna òg. Dei vart plasserte på eit leikerom i ein annan del av huset. Anna lurte veldig på kva pappan gjorde der då han stakk hovudet inn døra for å sjå korleis det gjekk... Ei god løysing syntes pappan, han sat i gangen og fekk med seg ungdomsmøtet!

Hans Arne er invitert i bursdag i dag, invitasjonen kom i går og selskapet er i dag. Omtrent like lang varsel som i Molde, med andre ord. GPS på mobilen er fortsatt veldig grei å ha... I morgon er vi inviterte til middag til Marius og ... ja, det var namnet hennar då? Malene, kan du hjelpe? Men først er det gudstjeneste i KF med presentasjon av bibelskuleelevane. Det betyr at vi må vere tidleg ute til gudstjenesten det! Hmm...

PE fekk ei melding på mobilen i dag der det sto at Ottar hadde fått ei pengegåve til oss! Tusen takk til den det er, Gud vil velsigne rikeleg attende!

Men no er det middag, snille, gode PE lagar mat til meg før eg må på arbeid! <3
Forresten er det eit eller anna rart med tidspunkta som står når eg legg ut eit innlegg, klokka er fx 13.45 no...
God helg fortsatt, og Guds rike signing over dagane!